helpline khabar

भ्रममा नपर्न देउवाको अपिल, सम्पत्ति सम्बन्धी विषयमा भ्रामक र झुटा प्रचार गरिएको दाबी

6 दिन अगाडी

News by: helpline

Shares: 8

काठमाडौं । पूर्वप्रधानमन्त्री तथा नेपाली कांग्रेस का पूर्वसभापति शेरबहादुर देउवाले आफू र आफ्नो परिवारविरुद्ध जारी भएको भनिएको पक्राउ पुर्जीबारे प्रतिक्रिया दिदै भ्रममा नपर्न अपिल गर्नुभएको छ ।

बुधबार देउवा र उहाँकी पत्नी आरजु राणा देउवा बिरुद्ध सम्पत्ति शुद्धीकरणका समबन्धमा पक्राउ पुर्जी जारी भएको समाचार आएपछि देउवाले यस्तो अपिल गर्नुभएको हो । बुधबार सामाजिक सञ्जालमार्फत आफ्ना धारणा सार्वजनिक गर्दै देउवाले आफ्नो परिवारमाथि सम्पत्ति शुद्धीकरणसम्बन्धी अनुसन्धान सुरु गरिएको जानकारी सञ्चारमाध्यमबाट पाएको उल्लेख गर्दै आफ्नो परिवारमाथि सम्पत्ति सम्बन्धी विषयमा भ्रामक र झुटा प्रचार गरिएको दाबी गर्नुभएको छ । देउवाले सार्वजनिक पदमा रहँदा आफूहरूले कानुनअनुसार सम्पत्तिको यथार्थ विवरण सम्बन्धित सरकारी निकायमा पेस गरेको पनि स्पष्ट पार्नुभएको छ ।

उहाँले लोकतान्त्रिक शासन, विधिको शासन, स्वतन्त्र न्यायपालिका र पारदर्शिताप्रति आफू जीवनभर प्रतिबद्ध रहेको पनि बताउनु भएको छ । आफ्नो जीवन खुला पुस्तकजस्तै रहेको उल्लेख गर्दै उहाँले भ्रष्टाचार नियन्त्रणका लागि आफ्नो नेतृत्वमा महत्वपूर्ण कानुनहरू लागू गरिएको स्मरण गरेका गर्नुभएको छ ।

साथै, हाल स्वास्थ्य उपचारका लागि विदेशमा रहेको र उपचार प्रक्रिया जारी रहेको जानकारी पनि उहाँले जनाउनु भएको छ । देउवाले वास्तविकता समयक्रमसँगै सार्वजनिक हुने विश्वास व्यक्त गर्दै अतिरञ्जित सूचनाबाट भ्रमित नहुन सबैलाई आग्रह गनृुभएको छ ।