helpline khabar

नक्कली भुटानी शरणार्थी प्रकरणमा टोप बहादुरलाई ४ वर्ष र बालकृष्णलाई २ वर्षको कैद सजाय

1 हप्ता अगाडी

News by: helpline

Shares: 13

काठमाडौं । जिल्ला अदालत काठमाडौंले नक्कली शरणार्थी प्रकरणमा दोषी ठहर भएका पूर्वउपप्रधानमन्त्री टोपबहादुर रायमाझी र पूर्व गृहमन्त्री बालकृष्ण खाँड समेतलाई सजाय तोकेको छ ।

नक्कली शरणार्थी सम्बन्धी मुद्दाको सजाय निर्धारणका लागि मंगलबार भएको सुनुवाइपछि जिल्ला अदालतले सजाय तोकेको हो । जसमा पूर्वउपप्रधानमन्त्री टोपबहादुर रायमाझीलाई ४ वर्ष कैद र ४० हजार जरिबाना निर्धारण भएको छ । पूर्वगृहमन्त्री खाणलाई २ वर्ष कैद र २० हजार जरिवाना तोकिएको छ ।

यसैगरी पूर्वगृहसचिव टेकनारायण पाण्डेलाई ४ वर्ष कैद, ४० हजार जरिवाना तोकिएको छ भने भुटानी शरणार्थी नेता टेकनाथ रिजाललाई २ वर्ष कैद र २० हजार रुपैयाँ जरिबाना निर्धारण भएको छ । अन्य दोषीलाई पनि कसुरको मात्रा हेरी फरक फरक सजाय निर्धारण गरिएको छ ।