helpline khabar

चितवन राइनोजद्वारा विराटनगर किङ्स ४८ रनले पराजित

11 महिना अगाडी

News by: helpline

Shares: 1

काठमाडौं । नेपाल प्रिमियर लिग (एनपीएल) क्रिकेटमा बुधबार भएको खेलमा चितवन राइनोजले विराटनगर किङ्सलाई ४८ रनले पराजित गरेको छ ।

रञ्जित कुमार चम्किँदै ५ विकेट लिएपछि चितवन राइनोजले विराटनगर किङ्सको अपराजित यात्रामा ब्रेक लगाएको हो ।चितवनले दिएको १७५ रनको लक्ष्य पछ्याएको विराटनगरले १६.५ ओभरमा सबै विकेट गुमाउँदै १२६ रन मात्रै बनाउन सक्यो।

चितवनको यो दोस्रो जित हो। जितसँगै चितवनले ३ खेलबाट ४ अंक जोडेको छ। विराटनगरको भने यो पहिलो हार हो। ४ खेलबाट ६ अंक बटुलेको विराटनगरले भने शीर्ष स्थानमा उक्लिने अवसर गुमाएको छ।

त्यसअघि कीर्तिपुरस्थित त्रिभुवन विश्व बिद्यालयको क्रिकेट मैदानमा टस हारेर पहिला ब्याटिङ थालेको चितवनले ५ विकेट गुमाउँदै १७४ रन बनाएको थियो।