helpline khabar

एसईईको नतिजा दुईदिनभित्र सार्वजनिक गर्ने तयारी

3 हप्ता अगाडी

News by: helpline

Shares: 13

काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा दुईदिनभित्र सार्वजनिक गर्ने तयारी गरेको छ ।

परीक्षा भएको १ महिनाभित्र नतिजा सार्वजनिक गर्न लागेको बोर्डले इन्ट्रीको काम सकेर कुनै त्रुटि हुन नदिन रुजुको काम गरिरहेको छ । बोर्डले मंगलबार सम्म नतिजा आउने जनाएको छ । ‘नतिजा सार्वजनिकको नजिक आइपुगेका छौँ । पर्सिसम्म आउँछ । आइटीले काम गरिरहेको छ,’ परीक्षा नियन्त्रक टुकराज अधिकारीले भन्नुभयो ।

यसपटक परीक्षा केन्द्रमानै उत्तरपुस्तिका परीक्षण गरिएकाले छिटो नतिजा सार्वजनिक गर्न लागिएको हो । आइटीले काम सकेपछि बोर्ड बैठक बोलाउने तयारी छ ।

बोर्ड बैठक बसेपछि नतिजा सार्वजनिक गरिनेछ । एसईई परीक्षा गत चैत १९ देखि २९ सम्म सञ्चलान भएको थियो । यस वर्ष परीक्षामा ५ लाख १२ हजार ४२१ जना विद्यार्थीले फारम भरेका थिए । जसमा नियमिततर्फ चार लाख ४१ हजार ५६६ जनाले र ग्रेड वृद्धितर्फ ७० हजार ८५५ जनाले परीक्षाका लागि फारम भरेका थिए ।