helpline khabar

घुस लिएर भ्रष्टाचारको आरोप लागेका पूर्वमन्त्री गुप्तालाई थुनामा राख्न अदालतको आदेश

6 महिना अगाडी

News by: helpline

Shares: 7

काठमाडौं । विशेष अदालतले घुस लिएर भ्रष्टाचारको आरोप लागेका पूर्वमन्त्री राजकुमार गुप्तालाई थुनामा राख्न आदेश दिएको छ ।

गुप्ता पोखराको बाटुलेचौर जग्गा प्रकरणमा मुछिनुभएको थियो । विशेष अदालतका अध्यक्ष सुदर्शनदेव भट्ट र सदस्यहरू डिल्लीरत्न श्रेष्ठ र विदुर कोइरालाको इजलासले उनलाई थुनामा पठाउनु पर्ने आदेश गरेको हो । बुधबार विशेष अदालतमा उपस्थित हुनुभएका गुप्ताको बयानपछि थुनछेक बहस भएको थियो ।

विशेष अदालतले उहाँलाई थुनामै राखी मुद्दा अघि बढाउन आदेश दिएको हो ।

गत असार ३१ गते बिचौलियासँग घुससम्बन्धी संवाद सार्वजनिक भएपछि विवादमा तानिनु भएका संघीय मामिला तथा सामान्य प्रशासनमन्त्री गुप्ताले राजीनामा दिनु भएको थियो ।