helpline khabar

महालक्ष्मीको बिद्यालयमा कानुनी सचेतना अभियान

8 महिना अगाडी

News by: helpline

Shares: 6

ललितपुर । “शिक्षा र कानुनी जागरुकता–उज्यालो भविष्यको आधार“ भन्ने नारासहित ललितपुरको महालक्ष्मी नगरपालिकाद्वारा आयोजित विद्यालय स्तरीय कानुनी सचेतना कार्यक्रम शुरु भएको छ ।महालक्ष्मी नगरपालिकामा भएका सम्पूर्ण विद्यालयहरूमा जाने क्रममा आज वडा नम्बर १ देखि यो कार्यक्रम शुरु भएको हो । विद्यार्थीहरूलाई आफ्नो अधिकार, कर्तव्य र कानुनी व्यवहारबारे स्पष्ट ज्ञान प्रदान गर्ने उद्देश्यले यो कार्यक्रमको शुरुवात गरिएको नगरपालिकी उपमेयर एवं न्यायिक समितिकी संयोजक समेत रहनु भएकी लक्ष्मी महर्जनले जानकारी दिनुभयो । यस कार्यक्रमले बिद्यार्थीमा जिम्मेवारपूर्ण नागरिक निर्माणमा महत्वपूर्ण योगदान पुग्ने नगरपालिकाले अपेक्षा गरेको छ । कार्यक्रमले कानुनी सचेतनामा बिद्यार्थीहरुलाई थप मद्दत पुग्ने पनि उपमेयर महर्जनको विश्वास छ । यो कार्यक्रम नगरपालिका भित्र रहेका सबै वडाका बिद्यालयहरुमा संचालन गरिने छ ।