News by: helpline
काठमाडौं । काठमाडौं महानगरको नगर प्रहरीले मोटरसाइकलमा ह्वील लक गरिदिएको आक्रोशमा आफैंलाई आगो लगाएका मुगुका गणेश नेपालीको उपचारका क्रममा निधन भएको छ ।
मुगुको सोरु गाउँपालिका–१ का २५ वर्षीय नेपालीको वीर अस्पतालमा उपचारका क्रममा शुक्रबार निधन भएको हो । बिहीबार त्रिपुरेश्वर स्थित राहदानी विभाग अगाडी आत्मदाह प्रयास गरेका नेपालीको वीर अस्पतालले ‘आईसीयू’ मा उपचाररका क्रममा निधन भएको हो । त्रिपुरेश्वरमा नो पार्किङ क्षेत्रमा मोटरसाइकल रोकेको भन्दै महानगरीय प्रहरीले नेपालीको मोटरसाइकलमा ह्वील लक लगाईदिएपछि उनले आफैंलाई पेट्रोल छर्केर आगो लगाएका थिए ।
तत्कालै उपचारका लागि वीर अस्पताल लगिए पछि उनको शरीर ८५ प्रतिशत जलेकाले अवस्था जटिल बनेको थियो । उनलाई उपचारका लागि बिहीबार राति नै भारत लैजाने तयारी सरकारले गरेको भए पनि अवस्था जटिल देखिएपछि भारत लैजाने तयारी रोकिएको थियो ।
यसैबीच, नेपालीको मृत्यु प्रकरण छानविनका क्रममा प्रहरीले तीन जना नगर प्रहरीलाई नियन्त्रणमा लिएको छ । सरकारकै कारण गणेशले आत्मदाह गर्नुपर्ने अवस्था सिर्जना भएको भन्दै शुक्रबारको संसद बैठकमा बिपक्षीहरुले सरकारको आलोचना गरेका थिए । दुई जना महिला र एक जना पुरुष नगर प्रहरीलाई कालीमाटी वृत्तमा राखेर अनुसन्धान अगाडि बढाइएको जिल्ला प्रहरी परिसर काठमाडौंले जनाएको हो।
मुख्य समाचार
No ad available.
सम्बन्धित खबर
No ad available.
पढ्नै पर्ने
एनआरएन पोर्चुगलमा लाखौंको हिनामिनाको आरोप !
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक
