helpline khabar

सिंह दरबार जल्दा मौन बसेको सेना किन सुकुम्वासी बस्तीमा पसेको भन्दै बादलले गरे प्रश्न

2 महिना अगाडी

News by: helpline

Shares: 14

काठमाडौं । नेकपा एमाले संसदीय दलका नेता रामबहादुर थापा बादलले नेपाली सेना किन सुकुम्बासी बस्तीमा परिचालित गरिएको ? भन्दै प्रश्न गर्नुभएको छ ।

मंगलवार सरकारको नीति तथा कार्यक्रमबारे संसदमा आफ्नो धारण राख्ने क्रमममा सेनाको भूमिकामाथि शंका व्यक्त गर्दै प्रश्न गर्नुभएको हो । थापाले संसदमा सिंह दरबार जल्दा मौन बसेको सेना अहिले किन सरकारको इशारामा नाचिरहेको छ ? भनेर प्रश्न उठाउनुभयो । उहाँले गत भदौ अन्तिम साताको जेनजी आन्दोलनका क्रममा मुलुक ध्वस्त पारिएको विषय सरकारको नीति तथा कार्यक्रममा नअटाएको भन्दै आपत्ति जनाउनुभयो ।

थापाले सरकारको नीति तथा कार्यक्रम खारेज योग्य रहेको टिप्पणी गर्नुभयो । उहाँले नीति तथा कार्यक्रम पुनर्लेखन गर्न सुझाव पनि दिनुभयो । थापाले नेकपा एमालेलाई अझै सशक्त रुपमा माथि उठाउन भूमिका खेल्ने बताउनु भयो ।