helpline khabar

वर्तमानका चुनौतीप्रति गम्भीर हुन नेकपा एमालकोे नेतृत्वलाई पूर्व राष्ट्रपति भण्डारीको आग्रह

2 हप्ता अगाडी

News by: helpline

Shares: 8

काठमाडौं । पूर्वराष्ट्रपति विद्यादेवी भण्डारीले वर्तमानका चुनौतीप्रति गम्भीर हुन नेकपा एमालकोे नेतृत्वलाई आग्रह गर्नुभएको छ ।

आइतबार काठमाडौंको बल्खुमा आयोजित ३३ औँ मदन आश्रित स्मृति सभामा बोल्दै उहाँले एमालेले आत्मा सुधार, एकता र जनतासँगको सम्बन्धलाई सुदृढ बनाउँदै राष्ट्र र जनताको हितलाई सर्वोपरि राखेर अघि बढ्न पनि आवश्यक रहेको बताउनुभयो ।

पूर्व राष्ट्रपति भण्डारीले एमालेमा यदाकदा सिद्धान्त र व्यवहारबिच देखिने असन्तुलनका कारण समाजमा प्रश्न उठ्ने गरेको उल्लेख गर्दै त्यसलाई अन्त्य गर्नका लागि जनमुखी कार्यशैली, आत्म अनुशासन र सेवाभावलाई व्यवहारमा उतार्दै अघि बढ्न आवश्यक रहेको पनि बताउनुभयो ।

पूर्वराष्ट्रपति भण्डारीले एमालेले लोकतान्त्रिक आन्दोलन, संविधान निर्माण र विकासको काममा महत्त्वपूर्ण भूमिका निर्वाह गरेको स्मरण गराउँदै अब जनताको सेवाभावमा बढि केन्द्रित हुनुपर्ने बताउनुभयो । उहाँले भण्डारीले जनताको सुखदुखमा साथ दिन र समाजमा सकारात्मक राजनीतिक संस्कार निर्माणमा पनि सक्रिय हुन एमाले नेता, कार्यकर्तालाई सचेत गराउनुभयो ।