helpline khabar

भोटेकोशीमा आएको विनाशकारी बाढीमा परेर ज्यान गुमाउनेको संख्या १ हजार नाघ्यो

1 हप्ता अगाडी

News by: helpline

Shares: 10

काठमाडौं । गत बुधबार भोटेकोशीमा आएको विनाशकारी बाढी र पहिरोका कारण रसुवा तथा आसपासका जिल्लामा हालसम्म १ हजार ५० जनाको ज्यान गएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले मंगलबार साँझ तथ्यांक सार्वजनिक मृतकको संख्या १ हजार ५० पुगेको र करिब ३ हजार ९ सय १६ जना अझै सम्पर्कविहीन रहेको जानकारी दिएको हो। प्राधिकरणले सार्वजनिक गरेको विवरण अनुसार चितवनमा ३ सय २१, नवलपरासी पूर्वमा २ सय १६, नवलपरासी पश्चिममा १ सय ७० र नुवाकोटमा १ सय ४२ वटा शव फेला परेका छन्। त्यसैगरी गोरखामा ६५, धादिङमा ५७, रसुवामा ४१ र तनहुँमा ३८ जनाको शव भेटिएको छ। विपद्मा परी हालसम्म २७९ जना घाइते भएका छन् । घाइतेमध्ये १६८ जना विभिन्न अस्पतालबाट उपचारपछि डिस्चार्ज भइसकेका छन् ।

नेपाली सेनामार्फत हालसम्म दुई हजार ७४० जनाको स्वास्थ्य उपचार गरिएको प्राधिकरणले जनाएको छ । प्रभावित क्षेत्रमा खोज तथा उद्धारका लागि २१ हजार ३१४ सुरक्षाकर्मी परिचालन गरिएको छ । तीमध्ये नेपाली सेनाका नौ हजार १९९, नेपाल प्रहरीका सात हजार ९१२ र सशस्त्र प्रहरी बलका चार हजार २०३ जना छन् ।

हालसम्म ११ हजार ८८४ जनाको उद्धार गरिएको प्राधिकरणले जनाएको छ । नेपाली सेनाले ५९२ पटक हवाई उडान गरी २७३ विदेशी र तीन हजार ५०९ नेपाली गरी कुल तीन हजार ७८२ जनाको हवाई उद्धार गरेको छ । निजी क्षेत्रबाट समेत काठमाडौं–प्रभावित क्षेत्रबीच २९ वटा उडान सञ्चालन भएका छन् । हाल नुवाकोटमा दुई हजार ४६६, रसुवामा ३९८, धादिङमा २६० र काठमाडौंमा ३२९ जना होल्डिङ सेन्टरमा रहेका छन् ।