helpline khabar

ब्रिज कोर्स सञ्चालनमा रोक

7 महिना अगाडी

News by: helpline

Shares: 11

काठमाडौं । शिक्षा, विज्ञान तथा प्रविधि मन्त्रालयले प्रवेश परीक्षा तयारी कक्षा र ब्रिज कोर्स सञ्चालनमा रोक लगाएको छ ।

शिक्षामन्त्री सस्मित पोखरेलले आगामी वैशाख १ गतेदेखि यस्ता कक्षाहरू पूर्ण रुपमा बन्द गर्ने निर्णय गर्नुभएको हो । विभिन्न कक्षा र उच्च शिक्षाका विभिन्न तहमा भर्ना लक्षित प्रवेश परीक्षा तयारी कक्षा र ब्रिज कोर्सको नाममा विभिन्न संस्थाहरूले सञ्चालन गर्दै आएका कार्यक्रमहरु बन्द गर्ने निर्णय भएको मन्त्रालयले आइतबार जारी गरेको विज्ञप्तिमा उल्लेख गरिएको छ। यस्ता कार्यक्रमले विद्यार्थीको मनोविज्ञान तथा शिक्षामा समतामूलक पहुँचमा नकारात्मक प्रभाव पार्ने र विद्यार्थीका लागि अनावश्यक आर्थिक बोझ समेत पर्न जाने मन्त्रालयको भनाई छ ।

यस्ता कार्यक्रमहरू सञ्चालन भए अनुगमन गरी प्रचलित कानून बमोजिम कारवाही प्रक्रिया अघि बढाउन जिल्ला प्रशासन कार्यालयहरूलाई अनुरोध गरिने पनि मन्त्रालयले जनाएको छ ।