News by: helpline
काठमाडौं । प्रधानमन्त्री वालेन्द्र शाहले जलवायु परिवर्तनकै असरले भोटेकोशीमा बाढी आएर नेपालमा अपूरणीय क्षति गरेको कुरा अन्तर्राष्ट्रिय समुदायसमक्ष जानकारी गराउने काम भएको बताउनुभएको छ ।
बुधबार प्रतिनिधिसभा बैठकमा विशेष सम्बोधन गर्नुहुँदै प्रधानमन्त्री शाहले भोटेकोसी नदीमा आएको बाढी र भएको क्षतिबारेमा संसद बैठकलाई जानकारी गराउने क्रममा सो कुरा बताउनुभएको हो । उद्धार र राहत व्यवस्थापनको काम निरन्तर जारी रहेको बताउँदै उहाँले भन्नुभयो, “बाढीबाट भएको क्षतिको पुनःस्थापनाका लागि अन्तर्राष्ट्रिय समुदायको सहयोगका लागि सरकारले आव्हान गरेको छ ।
सरकारले सबै किसिमको प्रयास जारी राख्नेछ ।” विपद र विपदपछिको अवस्थाका बारेमा प्रदेश र स्थानीय सरकारसँग सहकार्य र समन्वय भइरहेको बताउँदै प्रधानमन्त्री शाहले विपदबाट माथि उठ्न सबैको हातेमालो र सहयोगको खाँचो औल्याउनुभयो । तत्काल गर्न सक्ने काम सरकारले गरेको छ, अब बाँकी गर्नुपर्ने कामका लागि पनि सरकार गम्भीर प्रयास गरिरहेको उहाँले बताउनुभयो ।
“सुरुङको एउटा टनेलमा एक वा दुईभन्दा बढी स्काभेटर लगाउन सक्ने अवस्था छैन । भौगोलिक अवस्था र अन्य कारणले पनि सुरुङ्को टनेलको उत्खननमा धेरै स्काभेटर एकै ठाउँमा लगाउन सक्ने अवस्था नभएर उद्धारमा ढिलो भएको हो” उहाँले भन्नुभयो, “उद्धारमा संलग्न सबै पक्ष दिलोज्यान दिएर काम गरिरहनुभएको छ, उद्धार कार्यमा संलग्नहरुको प्रोत्साहन सबैले गर्नुपर्छ ।” नेपाल सरकारले सबै संघ संस्था, सरोकारवाला निकाय, समाजसेवी, अन्तर्राष्ट्रिय दातृ निकाय सबैसँग आग्रह र आव्हान गरेको बताउँदै प्रधानमन्त्री शाहले सबैसँगको सहकार्य र समन्वय सरकारले आज पनि गरेको छ, भोलि पनि गर्छ भन्नुभयो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
एनआरएन पोर्चुगलमा लाखौंको हिनामिनाको आरोप !
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक
