News by: helpline
काठमाडौं । राष्ट्रिय स्वतन्त्र पार्टी (रास्वपा)ले प्रतिनिधिसभाका संसदीय समितिका सभापतिमा पार्टीका तर्फबाट उम्मेदवार तय गरेको छ ।
रास्वपा संसदीय दलको बिहिबार बसेको बैठकले कानुन न्याय तथा मानवअधिकार समितिको सभापतिमा समीक्षा बास्कोटा, कृषि सहकारी तथा प्राकृतिक स्रोत समितिको सभापतिमा अशोक चौधरी, पूर्वाधार विकास समितिको सभापतिमा आशिष गजुरेल, महिला तथा सामाजिक मामिला समितिको सभापतिमा आकृति अवस्थी, राज्य व्यवस्था तथा सुशासनको सभापतिमा हरि ढकाल र शिक्षा स्वास्थ्य तथा सूचना प्रविधिको सभापतिमा डा। ओजस्वी शेरचनलाई उम्मेदवार बनाउने निर्णय गरेको हो ।
त्यस्तै संसदीय सुनुवाइको सभापतिमा वोधनारायण श्रेष्ठ, राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको सभापतिमा गणेश कार्की, अन्तरराष्ट्रिय सम्बन्ध र पर्यटन समितिको सभापतिमा सुम्नीमा उदास, अर्थ समितिको सभापतिमा कृष्णहरि बुढाथोकी र उद्योग तथा वाणिज्य र श्रम तथा उपभोक्ता हित समितिको सभापतिमा रहवर अन्सारीलाई उम्मेदवार बनाउने निर्णय गरेको छ ।
यसैगरी रास्वपाले सार्वजनिक लेखा समितिको सभापतिमा प्रमुख प्रतिपक्षी दल कांग्रेसलाई सहयोग गर्ने निर्णय गरेकोे छ ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक
